Përbërësit
- 6 kokërr vezë
- 1 kg sheqer (i bluar)
- 500 gr gjalpë
- 2 filxhan çaji miell misri
Përgatitja
1
Merrni gjalpin dhe treteni në një tigan në zjarr të ngadaltë. Pastaj hiqeni dhe lëreni të ftohet për rreth 10 minuta.
2
Hidheni tek një tas dhe pasi të provoni nxehtësinë e tij (sa të durojë gishti), shtoni sheqerin dhe fillojeni e rriheni gjithmonë në një drejtim derisa të tretet.
3
Vazhdoni ta përzieni derisa gjalpi me sheqerin të bashkohen mirë.
4
Hidhni vezët një nga një, duke i rrahur vazhdimisht. Gjithë ky proces zgjat 35-40 minuta. Kur fusni vezën e gjashtë, sasia ështe gati tre-katër fishuar. Tani hidhni miellin dhe vazhdoni ta përzieni derisa masa të bëhet një.
5
Merrni tepsinë ku do pjekim ballokumet dhe lyejeni me gjalpë. Nga brumi që përgatitët më parë, shkëpusni me dorë copa (secili ka masën e vet) dhe shtrojini në tepsi. Futini në furrë me 150 gradë për rreth 45 minuta.