Një nga gatimet tradicionale të zonës së Tiranës. Tava e dheut është shumë e shijshme dhe shijohet në mënyrë fantastike mes bisedash me miq.
Përbërësit
- 300 gr gjizë
- 250 gr mish (ose mëlçi, të prera në copa të vogla)
- 3 domate (të prera në kubik të vegjël)
- 2 spec (të prera në kubik të vegjël)
- 150 gr vaj ulliri
- 3 thelpinj hudhër
- 1 lugë gjelle pluhur speci (të kuq)
- 2 kokrra qepë (të grira)
- kripë
Përgatitja:
1 Nxehim në një tigan vajin dhe skuqim në të mishin bashkë me qepën.
2 Më pas hedhim domatet e grira, hudhrat dhe specin e kuq.
3 I përziejmë dhe i lemë të ziejnë për 20 minuta. Më pas hedhim edhe gjizën.
4 Përziejmë dhe rregullojmë shijen me kripë.
